What's New

സാധാരണ വായ്പ (മെഡി

1.   വിദഗ്ദ്ധ ചികിത്സയ്ക്ക് മെഡിക്കല്‍ കോളേജ് ആശുപത്രികളിലോ ചികിത്സ  ലഭ്യമാക്കുന്ന മറ്റ് ആശുപത്രികളിലോ, ഡോക്ടര്‍മാര്‍ റഫര്‍ ചെയ്യുന്ന കേസുകളില്‍ ചികിത്സയ്ക്കായി 1,00,000/-രൂപ വരെ വ്യക്തികള്‍ക്കു സാധാരണ വായ്പയായി അനുവദിക്കുന്നതാണ്. രോഗിയുടെ പേരുള്‍പ്പെടുന്ന റേഷന്‍കാര്‍ഡ് ഹാജരാക്കണം.  രോഗിയെ ചികിത്സിച്ച ഡോക്ടര്‍മാരില്‍ നിന്നു മറ്റ് ആശുപത്രികളിലേക്ക് റഫര്‍ ചെയ്തതിനേയും രോഗവിവരത്തേയും സംബന്ധിച്ച് സര്‍ട്ടിഫിക്കറ്റ് ഹാജരാക്കണം

2.   റഫര്‍ ചെയ്യപ്പെട്ട ആശുപത്രിയിലെ ഡോക്ടര്‍മാരില്‍ നിന്നും ചികിത്സ ഏറ്റെടുത്തു നടത്തുന്നതിന്‍റെ സര്‍ട്ടിഫിക്കറ്റും, ചികിത്സയ്ക്ക് ഉദ്ദേശം വരുന്ന ചിലവ് സംബന്ധിച്ച വിവരങ്ങളും ഹാജരാക്കണം.

3.   പ്രായപൂര്‍ത്തിയാകാത്ത രോഗിയുടെ കാര്യത്തില്‍ ചികിത്സാ ചിലവു വഹിക്കുന്ന രക്ഷിതാവിനും ടി വായ്പയ്ക്ക് അപേക്ഷിക്കാം.  രോഗി സ്വബോധമില്ലാത്ത, അവശതയായ അവസ്ഥയില്‍ തൊട്ടടുത്ത ബന്ധുവിന്/രക്ഷിതാവിന് വായ്പയ്ക്ക് അപേക്ഷിക്കാം.

4.   വായ്പത്തുക 100 പ്രതിമാസ തവണകളിലായി തിരിച്ചടയ്ക്കണം.

5.   നിലവില്‍ ഈ ബാങ്കില്‍ നിന്നും വായ്പ/ഓവര്‍ഡ്രാഫ്റ്റ് വാങ്ങി ബാക്കി നില്‍പ്പുളളവര്‍ക്ക് ഈ വായ്പ അനുവദിക്കുന്നതല്ല.

6.   ഈ വായ്പയ്ക്ക് പലിശ ഈടാക്കുന്നതല്ല.  എന്നാല്‍ കുടിശ്ശിക സംഖ്യക്ക് താഴെ കാണിച്ചിരിക്കുന്ന വിധം പലിശ ഈടാക്കുന്നതായിരിക്കും.   തുടര്‍ച്ചയായി 3 തവണ കുടിശ്ശിക വരുത്തിയാല്‍ കുടിശ്ശികയായ ദിവസം മുതല്‍ മുഴുവന്‍ വായ്പ സംഖ്യയ്ക്കും 6 ശതമാനം പലിശ ഈടാക്കുന്നതായിരിക്കും.  വീണ്ടും കുടിശ്ശിക  വരുത്തിയാല്‍ കുടിശ്ശിക സംഖ്യയ്ക്ക് 3 ശതമാനം നിരക്കില്‍ അധിക പലിശ ഈടാക്കുന്നതാണ്.

7.   വായ്പാപേക്ഷ ഫോറം ലഭിക്കുന്നതിന് അപേക്ഷകന്‍ ബന്ധപ്പെട്ട ബ്രാഞ്ചില്‍, മേല്‍ 2,3 ഉപവകുപ്പുകളില്‍ കാണിച്ചിരിക്കുന്ന രേഖകള്‍ സഹിതം നിശ്ചിത ഫോറത്തില്‍ അപേക്ഷ സമര്‍പ്പിക്കേണ്ടതാണ്.  ബ്രാഞ്ച് മാനേജരുടെ ശുപാര്‍ശ പ്രകാരം  അര്‍ഹതയുണ്ടെങ്കില്‍  അപേക്ഷ ഫോറം നല്‍കുന്നതിന് ബ്രാഞ്ച് മാനേജര്‍ക്ക് ഈ ഓഫീസില്‍ നിന്നും നിര്‍ദ്ദേശം നല്‍കുന്നതാണ്.  അതിനുശേഷം വായ്പാപേക്ഷയുടെ വില അടയ്ക്കുന്ന മുറയ്ക്ക് ബ്രാഞ്ചില്‍  നിന്നും  അപേക്ഷ  ഫോറം ലഭിക്കുന്നതാണ്.  പൂരിപ്പിച്ച അപേക്ഷഫോറവും  അനുബന്ധ പ്രമാണങ്ങളും ബ്രാഞ്ചില്‍ സമര്‍പ്പിക്കേണ്ടതാണ്.

8.   ആശുപത്രിയില്‍ ചികിത്സയില്‍ കഴിയുന്ന ആളിനുവേണ്ടി അനുവദിക്കുന്ന വായ്പ ആശുപത്രിയുടെ പേരില്‍ ഡിമാന്‍റ് ഡ്രാഫ്റ്റ് (A/C.Payee)  ആയി നല്‍കുന്നതാണ്.

9.   ഒഴിച്ചുകൂടാനാവാത്ത സാഹചര്യത്തില്‍ ചികിത്സ കഴിഞ്ഞ് മൂന്നു മാസം വരെ വായ്പാപേക്ഷ ബ്രാഞ്ചില്‍ സമര്‍പ്പിക്കാവുന്നതാണ്.   മൂന്ന് മാസത്തിന് ശേഷം സമര്‍പ്പിക്കപ്പെടുന്ന അപേക്ഷകള്‍ പരിഗണിക്കുന്നതല്ല.

10.  ഇപ്രകാരം സമര്‍പ്പിക്കപ്പെടുന്ന വായ്പാപേക്ഷയോടൊപ്പം മുഴുവന്‍ ബില്ലുകളും ഹാജരാക്കേണ്ടതാണ്.  ബില്ലിന്‍റെ  പകര്‍പ്പുകള്‍ പരിഗണിക്കുന്നതല്ല.

11.  അപേക്ഷിക്കുന്ന വായ്പത്തുകയോ  ബില്ലുകള്‍ പ്രകാരമുളള  തുകയോ  ഏതാണോ കുറവ് അതായിരിക്കും വായ്പയായി അനുവദിക്കുന്നത്.

12.  സാധാരണ  വായ്പയ്ക്ക് ബാധകമായ മറ്റെല്ലാ  വ്യവസ്ഥകളും ഈ  വായ്പയ്ക്ക് ബാധകമായിരിക്കുന്നതാണ്.  



Download Application Form

ടൂറിസം പദ്ധതി

ടൂറിസം വികസനത്തിന് സാദ്ധ്യതകളുള്ള ഗ്രാമീണ മേഖലയില്‍ ആയത് വികസിപ്പിക്കുന്നതിനാവശ്യമായ അടിസ്ഥാന സൗകര്യങ്ങള്‍ ലഭ്യമാക്കുകയാണ് ഈ പദ്ധതി ലക്ഷ്യമിടുന്നത്. വിനോദ സഞ്ചാര വ്യവസായം കേരളത്തിലെ വിശിഷ്യാ എറണാകുളം ജില്ലയിലെ ഒരു പ്രധാന വ്യവസായമായി വളര്‍ന്നു വരുന്ന സാഹചര്യത്തില്‍ ഈ പദ്ധതി വളരെ പ്രസക്തമാണ്. പദ്ധതിയുടെ വിശദ വിവരം താഴെ ചേര്‍ത്തിരിക്കുന്നു.   

1.   ടൂറിസ്റ്റ് ഹോം, റസ്റ്റോറന്‍റ്, ടൂറിസ്റ്റ് ബോട്ട് എന്നീ ആവശ്യങ്ങള്‍ക്കാണ് ഈ പദ്ധതി പ്രകാരം വായ്പ അനുവദിക്കുന്നത്. കൂടാതെ വീടുകളില്‍ Bed & Breakfast  പദ്ധതി പ്രകാരം ടൂറിസ്റ്റുകള്‍ക്ക് പ്രഭാതഭക്ഷണവും രാത്രി തങ്ങുന്നതിനുള്ള സൗകര്യം ഒരുക്കുന്നതിനും വായ്പ ലഭ്യമാണ്.

2.   വായ്പ പരിധി

         A)   ടൂറിസ്റ്റ് ഹോം, റസ്റ്റോറന്‍റ് എന്നിവ പണിയുന്നതിന് എസ്റ്റിമേറ്റിന്‍റെ 70 ശതമാനത്തിലധികരിക്കാതെ പരമാവധി 25 ലക്ഷം രൂപ വരെ. കാലാവധി 10 വര്‍ഷം 4 ഗഡുക്കളിലായി വായ്പ വിതരണം ചെയ്യുന്നു. മൊറട്ടോറിയം 6 മാസം കൂടാതെ       വര്‍ക്കിങ് ക്യാപിറ്റല്‍ ആവശ്യമെങ്കില്‍ പരമാവധി 5 ലക്ഷം രൂപ വരെ         അനുവദിക്കുന്നതാണ്.

         B)   ടൂറിസ്റ്റ് ബോട്ട്, ഇന്‍വോയ്സിന്‍റെ 80 ശതമാനത്തിലധികരിക്കാതെ പരമാവധി 10 ലക്ഷം. കാലാവധി 60 മാസം മൊറട്ടോറിയം 6 മാസം.

         C)   Bed & Breakfast  ഒന്നില്‍ കൂടുതല്‍ മുറികള്‍ ഉള്ള വീട് സ്വന്തമായി      ഉണ്ടായിരിക്കണം. വീട് മോടി പിടിപ്പിക്കുന്നതിനും മറ്റും എസ്റ്റിമേറ്റിന്‍റെ 70         ശതമാനത്തിലധികരിക്കാതെ പരമാവധി 5 ലക്ഷം രൂപ വരെ വായ്പ അനുവദിക്കുന്നു.പ്രവര്‍ത്തന മൂലധനമായി പരമാവധി 2 ലക്ഷം രൂപ വരെ ഓവര്‍ഡ്രാഫ്റ്റായും അനുവദിക്കുന്നതാണ്.

3.   അപേക്ഷിക്കുന്ന വായ്പത്തുകയുടെ 5% വരുന്ന തുക മുന്‍കൂറായി വായ്പാപേക്ഷകന്‍ തുടങ്ങിയിട്ടുള്ള അക്കൗണ്ടില്‍ അടയ്ക്കേണ്ടതാണ്.

4.   പലിശ നിരക്ക് അതാതുകാലം ബാങ്ക് നിശ്ചയിക്കുന്നതായിരിക്കും. സാധാരണ വായ്പയ്ക്ക് ബാധകമായ പലിശ നിരക്ക് ആയിരിക്കും. കുടിശ്ശി തുകയ്ക്ക് 3% നിരക്കില്‍ അധിക പലിശ ഈടാക്കുന്നതാണ്.

5.   അപേക്ഷിക്കുന്ന വായ്പതുകയുടെ 170% വില മതിപ്പുള്ള വസ്തു ഈട് കൂടാതെ കരം തീര്‍ത്ത രസീതുള്ള ഒരാള്‍ ജാമ്യവും ഹാജരാക്കേണ്ടതാണ്. ടൂറിസ്റ്റ്ഹോം. റസ്റ്റോറന്‍റ് എന്നിവ പണിയുന്നതിനുള്ള വായ്പയ്ക്ക് പണിയുന്ന കെട്ടിടവും സ്ഥലവും ഈട് മതിയാകുന്നതാണ്. വായ്പ മൂലം സ്വരുപിക്കുന്ന ബോട്ട് ബാങ്കിന്‍റെ പേരില്‍ ഹൈപ്പോത്തിക്കേറ്റ് ചെയ്യേണ്ടതും വിവരം RC  ബുക്കില്‍ രേഖപ്പെടുത്തേണ്ടതുമാണ്. വായ്പ വാങ്ങി സ്വരൂപിച്ച എല്ലാ വസ്തുക്കളും ബാങ്കിന്‍റെ പേരില്‍ ഹൈപ്പോത്തിക്കേറ്റ് ചെയ്യേണ്ടതാണ്.

6.   വായ്പ വാങ്ങി സ്വരൂപിക്കുന്ന എല്ലാ സ്ഥാവര/ജംഗമ സ്വത്തുക്കളും ബാങ്കിന്‍റെയും വായ്പക്കാരന്‍റെയും കൂട്ടായ പേരില്‍ ഇന്‍ഷ്വര്‍ ചെയ്തിരിക്കേണ്ടതാണ്.

7.   റസ്റ്റോറന്‍റ്, ടൂറിസ്റ്റ് ഹോം, ബോട്ടിംഗ് എന്നിവ നടത്തുന്നതിനാവശ്യമായ ലൈസന്‍സും മറ്റു രേഖകളും ബന്ധപ്പെട്ട അധികാരികളില്‍ നിന്നും വാങ്ങേണ്ടതും പകര്‍പ്പ് ബ്രാഞ്ചില്‍ ഹാജരാക്കേണ്ടതുമാണ്.

8.   വായ്പ ഉപയോഗിച്ച് തുടങ്ങിയിട്ടുള്ള സംരംഭങ്ങള്‍ പരിശോധന നടത്തുന്നതിനും സ്റ്റോക്ക് പരിശോധിക്കുന്നതിനും ബാങ്കിന് അധികാരമുണ്ടായിരിക്കുന്നതാണ്.

9.   എസ്റ്റിമേറ്റ്/ഇന്‍വോയ്സ് തുകയും ബാങ്ക് അനുവദിക്കുന്ന വായ്പത്തുകയും തമ്മിലുള്ള വ്യത്യാസം വായ്പക്കാരന്‍ മൂന്‍കൂറായി വിനിയോഗിച്ചിരിക്കുകയോ അപേക്ഷകന്‍റെ പേരിലുള്ള അക്കൗണ്ടില്‍ നിക്ഷേപിക്കുകയോ വേണ്ടതാണ്.

10.  സാധാരണ വായ്പ (ടൂറിസം) വര്‍ക്കിംഗ് ക്യാപിറ്റല്‍ ഓവര്‍ഡ്രാഫ്റ്റ് (ടൂറിസം) എന്ന പേരില്‍ വായ്പ/ഓവര്‍ഡ്രാഫ്റ്റ് ചെലവെഴുതേണ്ടതാണ്.

11.  പൊജക്ട് വായ്പ/ഓവര്‍ ഡ്രാഫ്റ്റ് വായ്പാപേക്ഷഫോറങ്ങളും പ്രമാണങ്ങളും ഉപയോഗിക്കേണ്ടതാണ്.

12.  യാതൊരു കാരണവും കൂടാതെ തന്നെ വായ്പ നിരസിക്കുന്നതിന് ബാങ്കിന് അധികാരമുണ്ടായിരിക്കുന്നതും ആയത് ചോദ്യം ചെയ്യുന്നതിന് അപേക്ഷകന് അധികാരമുണ്ടായിരിക്കുന്നതുമല്ല. 

13.  വായ്പാ വിതരണം സംബന്ധിച്ച പൊതുനിര്‍ദ്ദേശങ്ങളിലെ വ്യവസ്ഥകള്‍ ഈ വായ്പയ്ക്ക് ബാധകമായിരിക്കുന്നതാണ്.  

Download Application Form

മെഡിക്കൽ പ്രാക്ടിഷ

മെഡിക്കല്‍, പാരാ മെഡിക്കല്‍, ഹോമിയോ, ഫിസിയോതെറാപ്പിസ്റ്റ്, തുടങ്ങിയ മേഖലകളില്‍ പ്രവര്‍ത്തിക്കുന്ന യോഗ്യതയുളള പ്രൊഫഷണല്‍സിന് ക്ളിനിക് തുടങ്ങുന്നതിനും, നവീകരണത്തിനും, പുനരുദ്ധാരണത്തിനും, എക്റേ ലാബ്, പാത്തോളജിക്കല്‍ ലാബ്, ഫിസിയോ തുടങ്ങിയവ ആരംഭിക്കുന്നതിനും, ഫിസിയോതെറാപ്പി ഉപകരണങ്ങള്‍ വാങ്ങുന്നതിനും മറ്റുമായി ഈ വായ്പാ പദ്ധതി പ്രയോജനപ്പെടുത്താവുന്നതാണ്. പരമാവധി 40 ലക്ഷം രൂപവരെ, 100 മാസം കാലാവധി.

Download Application Form

കറന്റ് അക്കൗണ്ട്

തുടർന്നു വായിക്കുക

സേവിംഗ്സ് ഡെപ്പോസിറ്റ്

തുടർന്നു വായിക്കുക

റെക്കറിംഗ് ഡെപ്പോസിറ്റ്

തുടർന്നു വായിക്കുക